Ўзбекистонда суғориш учун жиддий сув танқислиги кузатилиши мумкинлиги маълум қилинди. Таъкидланишича, сув танқислиги бу йил суғориш мавсумида кузатилади.
Сув дефицити кузатилиши давлат раҳбари бошчилигида ўтган мажлисда маълум қилинди. Йиғилишда суғориш мавсумида сув таъминоти одатий даражасидан 25 фоизга кам бўлиши таъкидланди.
Ушбу ҳолатнинг салбий оқибатларининг олдини олиш мақсадида сув тежовчи технологиялар жорий қилинади. Таъкидланишича, ушбу технологиялар ёрдамида 3 млрд куб сув тежаб қолинади. Сув хўжалиги вазирлигига 3 мингта насосларни таъмирлаш ва янгилаш ҳамда насосларда электроэнергия ва сувнинг истеъмоли юзасидан онлайн мониторинг тизимини жорий қилиш топшириғи берилди. Эслатиб ўтамиз, аввалроқ совуқ ҳаво Ўзбекистон ҳосилига қанчалик таъсир қилиши ҳақида маълумот берилган эди.
