Давлат раҳбари ўз нутқида бугунги куниинг долзарб мавзуларидан бири – ОТМларда контракт пулини тўлашдаги қийинчиликларга тўхталиб ўтди. Таъкидланишича, контрактга ўқиш имконияти йўқ бўлган ёшларни қўллаб-қувватлаш бўйича янги тизим ярататилади.
Маълумки, бугунги кунда ота-оналар фарзандини олийгоҳда ўқитиш учун 22-28 фоиз ставкада таълим кредитини 3 йил муддатга олмоқдалар. Лекин, бу ҳаммага, айниқса, узоқ ва чекка жойларда яшайдиган оилаларга оғирлик қилаётгани бор гап, – дейди Президент.
Маълум қилинишича, ушбу ҳолатни ҳисобга олган ҳолда эндиликда таълим кредитлари 7 йилга, Марказий банкнинг асосий ставкасида, яъни, жорий йилда 14 фоиз ставкада ажратилади. Шунингдек, қўшимча тарзда таълим кредитларини қоплаш учун йўналтирилган маблағлар даромад солиғидан ҳам озод қилинади.
Шу билан бирга, “Темир дафтар”даги оилаларнинг фарзандларига ўқишнинг биринчи йилида контракт пули давлат бюджети ҳисобидан тўлаб берилади.
