2022-йилнинг январ-март ойларида Ўзбекистонда ўртача ойлик иш ҳақи 3,42 миллион сўмни ташкил этди, бу 2021-йилнинг шу даврига нисбатан 19,1 фоизга кўпдир, дея хабар беради Давлат статистика қўмитаси ҳисоботида.
Маълумотларга кўра, республика ҳудудлари шароитида энг юқори иш ҳақи Тошкент шаҳрида – 5,21 миллион сўм ва Навоий вилоятида – 4,73 миллион сўмни ташкил этади. Энг кам иш ҳақи Сурхондарё вилоятида — 2,61 миллион сўм ва Фарғона вилоятида — 2,59 миллион сўмга тўғри келди.
Ўз навбатида, фаолият турлари бўйича корхоналар ходимларининг иш ҳақи:
банк, суғурта, лизинг ва кредит-воситачилик фаолияти – 8,42 миллион сўм;
ахборот ва алоқа – 6,5 млн сўм;
ташиш ва сақлаш – 4,55 млн сўм;
саноат – 4,46 млн сўм;
қурилиш – 4,15 млн сўм;
савдо – 3,51 млн сўм;
таълим – 2,51 млн сўм;
соғлиқни сақлаш ва ижтимоий хизматлар кўрсатиш - 2,32 млн.сўм.
