Андижонда Тико Нексия билан тўқнашгандан сўнг иккига бўлиниб кетди

6 май куни Андижон вилоятида автоҳалокат натижасида Тико русумли автомашина икки бўлиниб кетди. Бу ҳақда Ўзбекистон Йўл ҳаракати хавфсизлиги давлат инспекцияси матбуот хизмати хабар берди.

Қайд этилишича, воқеа Ўш-Андижон-Тошкент автомобил йўлида содир бўлган. Тико ва Нексия-3 автомашиналари ҳайдовчилари ЙТҲда тўқнаш келишди.

Ҳодиса оқибатида Тико русумли автомашина ҳайдовчиси тан жароҳатлари билан касалхонага ётқизилган. Ҳозирда тергов ҳаракатлари олиб борилмоқда.