Бухоро вилояти Ғиждувон туманида ўқувчи эркакни ўлдирди. Бу ҳақда Дарё нашри хабар қилди.
Маълум бўлишича, махсус спорт мактабининг футбол йўналишида таҳсил олувчи 16 ёшли йигит шу йил 6 май куни тунда уйига келганда онаси яқин дўстининг отаси билан суҳбатлашиб ўтирганини кўриб қолган. Сўнгра у онасини рашк қилиб, эркак билан жанжаллашган ва уни пичоқлаб ўлдирган.
Маълум қилинишича, йигитнинг отаси 2017 йилда Россияга ишлаш учун кетган бўлган. У оилада 5 фарзанднинг энг каттаси. Мактаб директори бола жуда истеъдодли футболчи эканини айтган. Ҳодиса юзасидан ўқувчига нисбатан жиноий иш қўзғатилган.