Юнусободдаги автоҳалокатда жароҳат олган икки бемор жонлантириш бўлимида

Юнусободдаги автоҳалокатда жароҳат олган икки бемор жонлантириш бўлимида
Кеча ижтимоий тармоқларда пойтахтимизнинг Юнусобод туманида жойлашган “Mega Planet” савдо маркази яқинида соат тахминан 23:00 атрофида “BMW” русумли автомашина катта тезликда бошқарувни йўқотиб, автоҳалокатга учрагани ҳақида хабарлар тарқалди.

Тошкент шаҳар ИИББнинг ушбу ҳодиса юзасидан берган маълумотига кўра, транспорт воситаси бошқарувчиси — 1990 йилда туғилган З.Р. ҳамда йўловчилар — 1996 йилда туғилган Ж.Й. ва 1995 йилда туғилган Ж.И. шифохонага ётқизилган. 1994 йилда туғилган Х.С. эса воқеа жойида вафот этган.

Соғлиқни сақлаш вазирлиги автоҳалокатга учраган уч нафар беморнинг ҳолати юзасидан қуйидагиларни маълум қилади.

Пойтахтимиздаги даволаш муассасасига олиб келинган автомашина бошқарувчиси З.Р.га “Бош мия очиқ жароҳати. Бош мия лат ейиши. Бош тепа соҳасининг эзилиб йиртилган жароҳати. Чап елка соҳаси юмшоқ тўқималари лат ейиши. Кома 1-2 даража” ташхиси қўйилган.

Тиббиёт ходимлари томонидан бемор бошидаги жароҳатга бирламчи жарроҳлик ишлови берилган. Оғриқсизлантирилиб, ИВЛ аппаратига уланган. Бош қисми МСКТ, ички аъзолари эса УТТ каби барча зарурий текширувлардан ўтказилган.

Айни пайтда З. Р. жонлантириш бўлимида. Сунъий нафас олиш аппаратига уланган. Унга барча тегишли тиббий муолажалар кўрсатилмоқда.

Шунингдек, “Бош мия очиқ жароҳати. Бош мия лат ейиши. Бош тепа соҳасининг эзилиб йиртилган жароҳати. Кўкрак қафаси лат ейиши” диагнози қўйилган йўловчи Ж.Й. ҳам жонлантириш бўлимида зарур даво муолажаларини олмоқда. Унинг аҳволи ўрта оғир. Хушида.

Бемор Ж.И да эса “Бош мия ёпиқ жароҳати. Бош мия чайқалиши. Чап томон юқори қовоқ, ўнг томон жағ ости ва бўйин соҳалари эзилиб йиртилган жароҳатлари” аниқланган.

Унга тегишли тиббий ёрдам кўрсатилиб, зарур муолажалар ўтказилгач, аҳволи қониқарли бўлгани учун амбулатор шароитда даволаниши учун уйига жавоб берилди.

Соғлиқни сақлаш вазирлиги айни пайтда беморлар саломатлигини ўз назоратига олган. Муолажа жараёнлари учун етакчи тиббиёт мутахассислари жалб қилинган.

Соғлиқни сақлаш вазирлиги
Матбуот хизмати.

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Самарқанд давлат университетида “ХХI аср психологияси: муаммолар, ютуқлар, инновациялар” мавзусида халқаро конференция ўтказилди…

Халқаро психология фанлари академияси билан ҳамкорликда ўтказилган анжуманда Россия, Қозоғистон, Белоруссия, Озарбайжон давлатларидан 30 га...
16-03-2024, 08:15

Россиялик машҳур физик олим Самарқанд давлат университетида бўлди…

Самарқанд давлат университетига Россия Фанлар академиясининг академиги Владислав Хомич ташриф буюрди. Машҳур физик олим билан Самарқанд...
15-03-2024, 08:13

Самарқанд давлат университети Италиянинг Саленто университети билан ҳамкорлик қилади

Самарқанд давлат университетига Италиянинг Саленто университети ректори Фабио Поллисе бошчилигидаги делегация ташриф буюрди. Мартабали...
14-03-2024, 08:11

Ҳиндистонлик профессор Самарқанд давлат университетида фаолият кўрсатмоқда…

Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродов ҳиндистонлик...
10-03-2024, 08:09

“Сиз борки, бу ҳаёт бор”…

Самарқанд давлат университетида 8 март - Халқаро хотин-қизлар куни муносабати билан байрам тадбири бўлиб ўтди. Тадбирни Самарқанд давлат...
7-03-2024, 08:06
Ўзбекистон янгиликлари » Ҳодиса » Юнусободдаги автоҳалокатда жароҳат олган икки бемор жонлантириш бўлимида