Самарқанд вилоятининг Пастдарғом тумани марказига яқин жойлашган Кичик Найман маҳалласидаги фуқароларнинг ҳовлисидаги қўйлар бўғизланган ҳолда топилган ва бу қандай йиртқич томонидан амалга оширилгани номаълумлигича қолаётган эди.
Шундан сўнг ёввойи йиртқич билан курашишни кучайтириш мақсадида 29 млн. сўм туман ҳокимлиги томонидан маблағ ажратилган.
Бугун, 9 ноябрь куни ўша йиртқич, ниҳоят ушланган. Маълум қилинишича, аҳоли қўйларини бўғизланган йиртқич чиябўри бўлиб чиқди. У маҳаллий овчилар томонидан йўқ қилинган, дея хабар қилмоқда EVERYDAY.UZ мухбири.