Наманган вилоятида кеча, 16 июль санасида иккита аянчли ЙТҲ содир бўлди ва 4 киши вафот этди.
Хусусан, кеча соат 20.20ларда Наманган вилоятининг Тўрақўрғон туманида яшовчи 28 ёшли И.П. бошқарувидаги “М-412” русумли автомашинасини Қодиробод маҳалласидан ўтувчи Фарғона ҳалқа йўлида ҳайдаб кетаётиб, қарама-қарши томондан ҳаракатланиб келаётган Андижон вилояти Балиқчи туманида яшаган 68 ёшли Н.А. бошқарувидаги “Tico” русумли автомашинаси билан тўқнашув содир этган.
Натижада “Tico” автомашинаси ҳайдовчиси жароҳат олиб воқеа жойида ва унинг йўловчиси Марҳамат туманида яшаган 67 ёшли М.М. касалхонада вафот этган. Шунингдек, яна 2 нафар йўловчилари жароҳат олиб касалхонага ётқизилганлар.
Шунингдек, Наманган вилоятининг Чуст туманида соат 10:00ларда Тўрақўрғон туманида яшаган 42 ёшли А.Р. бошқарувидаги “Nexia” русумли автомашинасини Шохидон маҳалла ҳудудидан ўтувчи Фарғона ҳалқа йўлида ҳайдаб кетаётиб, қарама-қарши томондан ҳаракатланиб келаётган 30 ёшли Р.А.бошқарувидаги “Captiva” русумли автомашинаси билан тўқнашув содир этган.
Натижада “Nexia” автомашинаси ҳайдовчиси ва унинг йўловчи сифатида кетаётган 36 ёшли укаси А.Р.лар жароҳат олиб, воқеа жойида вафот этганлар, ҳамда яна бир йўловчиси 37 ёшли Т.Р. исмли аёл касалхонага ётқизилган.
Ҳар иккала ҳолат юзасидан жиноят иши қўзғатилиб, тергов ҳаракатлари олиб борилмоқда.
