Бу сафар Қўқонда: махсус коллеж ходимлари ўқувчи-қизларни зўрлашда гумонланмоқда

25-10-2018, 10:13
Ҳодиса
Бу сафар Қўқонда: махсус коллеж ходимлари ўқувчи-қизларни зўрлашда гумонланмоқда
Қўқон шаҳридаги махсус енгил саноат коллежи ходимларидан бир нечтаси ўқувчи қизларни зўрлашда гумонланмоқда, дея хабар қилмоқда Turon24. Манбанинг таъкидлашича, исми айтилмаслигини истаган суҳбатдош, Қўқон шаҳар ҳуқуқ-тартибот идоралари шаҳардаги Махсус енгил саноат касб-ҳунар коллежида ўқувчи қизларнинг номусига тегилгани юзасидан тергов бошланганини айтди.
Ҳолат юзасидан жиноят иши қўзғатилган ва дастлабки тергов ҳаракатлари олиб борилмоқда.

Мазкур коллежда саломатлигида ва хулқида нуқсони бор ўқувчилар ўқийди. Маълум бўлишича, коллежнинг 16 ёшли ўқувчиси ҳомиладор бўлиб қолган. Қўқон шаҳар прокуратураси аноним сўроқ ўтказган. Шунда бошқа қизлар ҳам жинсий зўравонлик қурбони бўлишгани ҳақида ёзиб беришган.

“Шаҳар прокуратураси шу йилнинг 15-20 октябрь кунлари коллежнинг молиявий, ташкилий ва тарбиявий ҳолати бўйича тафтиш ўтказган. Барча ходимлардан тушунтириш хати олинган. Ҳозир гинекологлар ҳам ўқувчи қизларни текширувдан ўтказишмоқда. Уларнинг 80 фоизи зўрлаш қурбони бўлган бўлиши мумкин”, дейилган манба тарқатган хабарда.

Шунингдек, Turon24 мухбири вилоят ўрта махсус, касб-ҳунар таълими ҳудудий бошқармасидан ҳам маълумот олмоқчи бўлган. Аммо гўшакни кўтарган Собиржон исмли ходим ишга янги келганини, бу ҳақда ҳеч нарса билмаслигини айтиб маълумот беришдан бош тортди.

Гумонланувчиларга нисбатан Жиноят кодексининг “номусга тегиш”, “жинсий эҳтиёжни ғайритабиий усулда қондириш”, “ўн олти ёшга тўлмаган шахсга нисбатан уятсиз-бузуқ ҳаракатлар қилиш”, “мансаб ваколатини суиистеъмол қилиш ва пора олиш” сингари моддалар билан жиноят иши қўзғатилган.

Коллеж директори давлат мулкини талон-тарож қилганлик ва мансаб ваколатини суиистеъмол қилиш; директорнинг ҳайдовчиси, коллеж қоровули, ёшлар етакчиси ва руҳшуноси жинсий зўровонликда айбланиб, ҳибсга олинган.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Ўзбекистонда коронавирусга чалинганларнинг сони эълон қилинди

Соғлиқни сақлаш вазирлиги томонидан юртимизда коронавирус аниқланган ҳолатлар рақами эълон қилинди. Маълум бўлишича,...
Бугун, 10:38

Ўзбекистонда стикер бериш тўхтатилди. Кўриб чиқиш жараёнидаги аризалар қаноатлантирилмайди

Адлия вазирлигининг хабар беришича, автотранспорт воситалари ҳаракатланишига давлат хизматлари марказлари томонидан...
Бугун, 00:19

Коронавирусга чалинганлар биттага кўпайди. Кун давомида эса 26 нафар беморда вирус аниқланди

Соғлиқни сақлаш вазирлиги томонидан юртимизда коронавирус аниқланган ҳолатлар рақами эълон қилинди. Маълум бўлишича,...
Бугун, 00:10

Адхам Икромов Туркий тилли давлатлари Савдо-саноат палатаси кенгаш аъзоларига таклиф билан чиқди

2020 йил 7 апрел куни Туркий тилли давлатлари Савдо-саноат палатаси кенгаш аъзоларининг коронавирус пандемияси даврида...
Кеча, 23:02

Навоийда ноқонуний олтин қазиётган 26 нафар бухороликлар қўлга олинди

Навоий вилоятининг Учқудуқ туманида олтин қазиётганлар қўлга олинди. Маълум бўлишича, шу йил 6 апрель санасида...
Кеча, 22:42