Тошкент шаҳридаги Tashkent city ҳудудида амалга оширилаётган қурилишда 20 ёшли йигит 8 қаватдан йиқилиб ҳалок бўлди.
Маълум бўлишича, шу йил 27 октябр куни Сирдарёнинг Мирзаобод туманида яшовчи А.Т. тўққиз қаватли уйнинг 8 қаватидан йиқилган. У бинонинг ташқи қаватини сувоқ қилаётган бўлган ва хавфсизлик камарини ечган пайтда беҳосдан йиқилган. "Дарё"нинг хабар беришича А. Т.нинг қариндошларига давлат томонидан ҳам, қурилиш компаниясидан ҳам ҳеч қандай моддий ёрдам бўлмаган. Лекин марҳум ишлаган «Asia Trading City» компанияси тергов натижаларига кўра компенсация тўлаб беришини маълум қилган. Шунингдек, компания марҳумнинг яқинларига уни дафн этиш маросими харажатларини тўлаб бергани айтилмоқда.
Қўшимча қилиниши, у ерда ишлайдиган ҳар бир ходим эрталабдан хавфсизлик қоидалари билан танишиб, керакли жойга имзо қўйиб чиқишади.
