Бухорода йигитлар базм уюштириб, 15 суткага қамалди.
14 апрел куни 18 ёшли йигит дўстларига қўнғироқ қилиб туғилган кунини нишонлашани айтади. У спиртли ичимликлар сотиб олиб дўстларини қишлоқнинг четига таклиф этади.
Йигитлар айтилган жойга келгач, алкоголь ичишни бошлашади. Кейинчалик спиртли ичимлик таъсирида улар бир-бирларини қўпол сўзлар билан ҳақоратлаб бошлашади. Қишлоқ аҳли эса ҳуқуқ тартибот органлари ходимларига мурожаат қилишади.
Маъмурий ишлар бўйича суд томонидан уларга бир неча моддалар билан айб эълон қилинади. Энди улар умрининг 15 кунини маъмурий қамоқда ўтказади.