Маълум бўлишича, кеча 13 май куни соат 21.00да кучли ёмғир натижасида тумандаги "Олтинсой" сойида сув сезиларли ошган. Шу сабабдан ҳудудда сув тошқини содир бўлиш хавфи юзага келган. Шундан сўнг 900 нафар фуқаро зудлик билан хавфсиз ҳудуд, яъни яқин қариндошларининг уйига эвакуация қилинган. Бундан ташқари Бойсун туманида кучли ёмғир ёғиши натижасида "Айбарак" сойидан ҳам сел келган. Шунингдек, ушбу туманда "Авлод" сойидан сел келган ва шунинг оқибатида Авлод ҳамда Сариосиё қишлоқларини боғлаб турувчи кўприкни сув босган ва у ерда вақтинча автомобиль ҳаракати тўхтатилган.
Вазирлик вазият тўлиқ назорат остида эканини маълум қилган. Ушбу ҳолатлар оқибатида ҳалок бўлганлар ва жабрланганлар ҳақида маълумот келиб тушмагани айтилмоқда.