Тошкентда аёл опасини ўлдириш учун 5 минг долларга қотил ёлламоқчи бўлди. Бу ҳақда Дарё нашри хабар қилди.
Маълум бўлишича, Тошкентнинг Юнусобод туманида аёл бир эркакка алоқага чиқиб, унга опасини ўлдириб бериш учун 5 минг доллар беришини, агар шу ишни қила олмаса ушбу нархга бошқа бир қотилни топиб беришни сўраб, мурожаат қилган. Шундан сўнг 30 май куни эркак ИИБга бўлган воқеани айтиб берган. Ходимлар эса эркакка аёл билан боғланиб иш "пишганини" маълум қилишини айтади ва пулларни олиб келиш сўралади. Аёл 5 минг доллар ўрнига 2 минг долларлик тақинчоқларни бераётган вақтда эса ушланади.
Ҳозирда ушбу ҳолат бўйича опасини ўлдиртирмоқчи бўлган аёлга жиноий иш қўзғатилди.