Тошкентда коронавирусга чалинган 76 ёшли эркак вафот этди. Бу ҳақда ССВ хабар қилди.
Маълум бўлишича, Тошкентнинг Учтепа туманида яшаган 76 ёшли эркак шу йил 28 май куни коронавирус аниқланиб, шифохонага ётқизилган. Унинг аҳволи 31 май куни оғирлашган ва у реанимация бўлимига олиб ўтилган. Шу кунгача беморни юқори малакали шифокорлар даволаб келган. Лекин кўрсатилган ёрдамга қарамай сунъий нафас олиш аппаратида бўлган бемор ўткир нафас ва юрак қон-томир етишмовчилигидан вафот этган.
ССВнинг қўшимча қилишича, эркак узоқ йиллар давомида гепатит, юрак ишемик касаллиги, стенокардия, сурункали юрак етишмовчилиги каби касалликлар билан даволаниб келган бўлган. Ҳозирда унинг турмуш ўртоғи, фарзанди ва набиралари коронавирисдан даволанмоқда. Маълумот ўрнида, Ўзбекистонда коронавирусдан вафот этганлар сони 18 нафарни ташкил этмоқда.
