ДХХ Қозоғистондан олиб ўтилган катта миқдордаги “Трамадол” таблеткаларини мусодара қилди. Бу ҳақда EVERYDAY.UZ мухбири хабар қилди.
Маълум бўлишича, Қозоғистондан Тошкентга айланма йўллар орқали олиб ўтилган 11 минг дона “Трамадол” таблеткалари Қўқонга олиб борилиб сотилиши режалаштирилган. Лекин таблеткалар манзилга етиб бормай, ходимлар томонидан холислар иштирокида қўлга олинган. Шунингдек, Қорақалпоғистонга айланма йўллар билан Қозоғистондан олиб ўтилган 9.985 дона “Трамадол” дорилари Тўрткўлда “Нексия-3” машинасидан топилган. Юқорида қайд этилган иккита ҳолат бўйича барча айбдорлар қўлга олинган.
Бундан ташқари ДХХ томонидан Навоий вилояти Нурота туманидаги “Ласетти” текширилганда 996 дона “Трамадол” дори воситаси топилган.
Шундай тезкор тадбирлар давомида умумий ҳисобда 21.981 дона “Трамадол” таблеткаси мусодара қилинган. Ҳозирда юқорида қайд этилган барча ҳолатлар бўйича жиноий иш қўзғатилган.
