Бугун ижтимоий тармоқларда навбатдаги аёллар иштирокидаги жанжал видеоси тарқатилди. Видео телеграм каналларда эълон қилинмоқда.
Тарқалган видеода уч нафар аёллар бошқа бир аёлни ёрга ётқизиб, сочидан тортиб, дўппослаётганини кўриш мумкин. Эътиборли жиҳати, видеода уларнинг жанжалига ёшгина қизча ҳам қўшилиб, тепкилагани тасвирланган.
Видео бир гуруҳ эркаклар томонидан тасвирга олинган. Унда эркаклар уларни ажратиш ғалати эканини айтиб, сочидан тортган аёлларга нисбатан “кал бўлиб қолади” дея бақириб, йўлида давом этган.
Катта эҳтимол билан воқеа Тошкент шаҳрида содир бўлган.
Аввалроқ Хоразмда бир гуруҳ аёллар иштирокидаги "самосуд" видеоси ҳам кенг муҳокамаларга сабаб бўлган эди. Унда ҳам видео бошқа бир эркак томонидан тасвирга олиниб, тарқатиб юборилган эди.