Ёниб кетган Малибу-2 автомашинаси бўйича расмий маълумот берилди.
Тошкент вилояти ИИББнинг хабар қилишича, воқеа кеча, 18 июнь куни соат 04:30ларда Тошкент туманидаги фермер хўжалиги майдонида содир бўлган. Ёнган автомашина аслида Баҳодир Н.га тегишли эканлиги айтилмоқда. У аввалроқ Улуғбек М.га ушбу машинани сотиб беришга берган ва Баҳодир Улуғбекдан бошланғич бадал сифатида 5 млн сўм олган. 2 июнда эса асли гулистонлик, пойтахтнинг М. Улуғбек туманида яшовчи 26 ёшли аёл Улуғбекдан шахсий иши учун кераклигини айтиб ушбу машинани олиб, қайтариб бермаган.
Шундан сўнг аёл автомашинани юқорида келтирилган сана ва вақтда ёқиб юборган. Ушбу машина 2019 йилда ишлаб чиқарилган бўлган, ранги эса қора эканлиги ойдинлашди.
Ҳозирда ушбу ҳолат бўйича аёлга нисбатан жиноий иш қўзғатилган.