Хоразмда ота ва она 12 ёшли фарзандини 200 млн сўмга сотмоқчи бўлди. Бу ҳақда Постда нашри хабар қилди.
Маълум бўлишича, Хоразм вилоятида эридан ажрашган, бир нафар фарзанди бор аёл бошқа эркакка турмушга чиқади. Шундан сўнг уларнинг оиласида яна икки нафар фарзанд дунёга келади. Отанинг топган пули рўзғорга етмайди ва она ҳам ишга чиқа бошлайди. Бу орада уларнинг иккисининг пули базўр уйнинг ижарасига етади холос. Шунда она бола асраб олиш илинжида юрган аёл билан танишиб қолади ва унга ўзининг 12 яшар фарзандини таклиф қилиб, 200 млн сўм сўрайди. Бу таклиф отага ҳам ёқиб тушади. Бола асраб олмоқчи бўлган аёл эса буни қонуний йўл билан ҳал қилишни, ҳужжат расмийлаштиришдаги барча ҳаражатни қоплашини айтади. Лекин ота-она бунга кўнмай, пул сўрайди. Шунда аёл ўзини рози қилгандай кўрсатиб, ҳуқуқ тартиот органларига хабар қилади.
Аёл ота-онага 100 млн сўмни олиб бориб қолганини икки кунда беришини айтади. Шундан сўнг она болани бергани ҳақида тилхат ёзиб, унинг кийим-кечаклирини тайёрлаётган вақтда ходимлар кириб, уларни қўлга олади.
Энди ота-она жавобгарликка тортилади, дейилади нашр хабарида.
