Аввалроқ сайтимизда фарғоналик такси ҳайдовчиси қотиллик қурбони бўлгани ҳақида ёзган эдик.
Тошкент вилояти ИИББ томонидан хабар қилинишича, уни ўлдиришда 22 ёшли, меҳрибонлик уйи тарбияланувчиси гумонланмоқда. У ўз аризасида айбига иқрор бўлган. Гумонланувчи шу йил 5 январда киракашниг машинасига чиқиб, Бешариқ туманига олиб боришни сўраган. Улар йўлда кетаётганда йўловчи «Ангрен» дарёси ёнидаги маҳаллага кириб ўтишни сўраган. Манзилга борганда эса гумонланувчи дастлаб темир билан, сўнг тош билан урган, ҳайдовчи хушидан кетган. Гумонланувчи ҳайдовчининг чўнтагидаги пул ва телефонни олаётган вақтда у ўзига келган ва бақирмоқчи бўлган пайтда эса гумонланувчи уни пичоқлаб ташлаган. Шундан сўнг гумонланувчи мурдани “Aнгрен” дарёси қирғоғидаги чакалакзорга ташлаб юборган. Бармоқ излари теккан барча буюмларни эса сувга отиб юборган. Автомашинани Оҳангарон шаҳридаги Янгиобод маҳалласида қолдириб, яширинган.
Шунингдек, суриштирувлар давомида ушбу шахснинг бошқа жиноятлари ҳам фош бўлган. Ҳозирда ҳолат бўйича ЖКнинг 169-моддаси 1-қисми билан жиноят иши қўзғатилган.
