Қаршида фуқаронинг ўлимига сабабчи бўлган қурилиш иши ноқонуний олиб борилгани маълум бўлди. Бу ҳақда Қурилиш вазирлиги хабар қилди.
Аввалроқ Қаршида қурилаётган Nasaf Travel меҳмонхонасида юк кўтарувчи темир-бетон конструкциялари қулаб тушиши оқибатида бир киши ҳалок бўлган эди. Вазирликнинг маълум қилишича ўша бино ноқонуний қурилаётган бўлган.
Қашқадарё вилоят Қурилиш соҳасида ҳудудий назорат инспекцияси Nasaf Travel компаниясини бир неча бор огоҳлантирган бўлган. Лекин компания бунга эътибор бермай ишлашда давом этган. У ерда қурилиш меъёрлари қўпол равишда бузилган ва шунинг оқибатида бир киши ҳалок бўлган.