Хоразмда 30 ёшли эркак 22 ёшли қизнинг интим суратларини тарқатиб юбориш билан қўрқитиб, пул талаб қилди. Бу ҳақда ОАВда хабарлар тарқалди.
Маълум бўлишича, 30 ёшли эркак 22 ёшли қизнинг интим суратларини ижтимоий тармоқларда тарқатиб юбориш билан қўрқитиб дастлаб 9,6 млн сўм олган. Кейинчалик эркакнинг иштахаси очилиб қизни яна қўрқитиб, 15,8 млн сўм талаб қилган. Шундан сўнг қизнинг хафсаласи пир бўлган онаси ИИБга мурожаат қилган. Ходимлар томонидан эса ҳолат ўрганилган.
Шундан сўнг эркак талаб қилган пулларни олаётган вақтда қўлга олинган. Ҳолатга прокуратура ҳам аралашган ва ҳозирда улар томонидан текширув ишлари олиб борилмоқда.