Сирдарё вилоятида яшовчи Хуршида Ф. Учтепа туманида яшовчи танишиниг уйига меҳмон бўлиб келган. Тугмалик ўт олдиргич ўрнатилган машинани Хуршида Ф. очиқ қолдиради.
Эрта тонгда кўчага чиққач машина қўйилган жойида йўқлигини кўрди. Шу заҳотиёқ у 102 рақамига қўнғироқ қилиб, ҳолат юзасидан ички ишлар ходимларига хабар беради. Тезкор-қидирув чоралари кўрилгач, “Cаптива” Юнусобод туманида топилди. Машинани олиб қочишда гумонланувчи шахс машинада қолдирилган бармоқ излари орқали аниқланди.
Гумонланувчи – Юнусобод туманида яшовчи 24 ёшли Денис Н. ўз хонадонида қўлга олинди. Унинг гапига қараганда, 18 октябрьдан 19 октябрьга ўтар тунда у маст ҳолатда уйқа қайтаётган бўлган. Уй ёнидан ўтаётган вақтда машинани кўриб, машинани очиб кўрган. “Cаптива” эшиги очилгач, Денис шаҳарни айланиб келишга қарор қилган.
Шу ўринда автомобиллар эшиклари очиқ қолиши ҳолатлари тез-тез кузатилётганлигини таъкидлашимиз зарур. Бу эса ўз навбатида мана шундай ҳолатларнинг юзага келишига сабаб бўлмоқда.
ТЕЛЕГРАМДАГИ КАНАЛИМИЗ: https://t.me/EVERYDAY_uz
