Тошкентда коронавирусга чалинган 65 ёшли эркак вафот этди. Бу ҳақда ССВ хабар қилди.
Маълум бўлишича, вафот этган бемор шу йил 1 июль куни реанимацияга олиниб, сунъий нафас олиш аппаратига уланган. Унга гипертония касаллиги, атеросклероз, бош мияда қон айланишининг ўткир бузилиши (инсульт)нинг иккинчи бор қайталаниши (биринчи ҳолат 2020 йил июнь ойида юз берган), геморрагик инсульт ташхиси қўйилган. Беморга юқори малакали шифокорлар керакли муолажалар қилган.
Лекин шунга қарамай бемор шу йил 3 июль куни ўпка артерияси тромбоэмболияси, ўткир нафас ва юрак етишмовчилигидан вафот этган.
