Паркентда Санитария-эпидемиология назорати давлат инспекцияси мансабдорлари давлатга 397,6 млн сўмлик зарар етказди. Бу ҳақда Бош прокуратура хабар қилди.
Маълум бўлишича, Паркентда мансабдорлар карантин қоидаларини бузган 86 нафар кишиининг жарима тўламаслиги учун уларга қилмишни истисно этувчи ҳолатлар сифатида ҳолатни расмийлаштириб беришган. Шу йўл билан улар 397,6 млн сўмлик давлат манфаатларига жуда кўп миқдорда зарар етказилганлиги аниқланган.
Ҳозирда ҳолат бўйича ЖКнинг тегишли моддалари билан жиноий иш қўзғатилган.
Аввалроқ Қашқадарёда ниқоб тақмаган фуқарога жарима солмаслик учун 800 минг сўм талаб қилган мансабдор ушлангани хабар қилинган эди.
