Аввалроқ тармоқларда Сурхондарё вилояти ҳокими вафот этгани ҳақида хабарлар тарқалди. Кейинчалик ушбу хабар рад этилди.
Маълум бўлишича, вилоят прокуратураси томонидан ушбу хабарни тарқатган шахс ушланган. Хабарни 1971 йилда Сариосиё туманида туғилган шифокор-кардиолог тарқатгани маълум бўлди. Шифокорнинг сўзларига кўра, унга ушбу хабар вилоят Санитария-эпидемиологик осойишталик маркази томонидан берилган.
Суд қарорига кўра шифокор МЖтКнинг 40-(туҳмат) ва 46-моддаси (фуқарога маънавий ёки моддий зарар етказиши мумкин бўлган маълумотларни ошкор этиш) билан айбдор деб топилган. Энди шифокор баъзавий ҳисоблаш миқдорининг ўн баравари миқдорида жарима тўлайди. Шунингдек, у пост қолдирган Redmi 9 not телефони давлат фойдасига мусодара қилинди.
