Қорақалпоғистонда ИИБ бошлиғи хизмат автомашинасида 23 ёшли йигитнинг умрига зомин бўлди. Бу ҳақда Республика прокуратруаси хабар қилди.
Маълум бўлишича, шу йил 22 июль куни соат 21:40 ларда Қораўзак тумани Ички ишлар бўлими бошлиғи Р.М. ўзининг хизмат автомашинасида (Нексия-3) йўл четида велосипедда кетаётган 23 ёшли йигитни уриб юборган. Ҳодиса оқибатида йигит ўзига кемасдан, вафот этган.
Ҳозирда ҳолат юзасидан ЖКнинг 266-моддаси 2-қисми (Одамлар ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган. Тергов ҳаракатлари олиб борилмоқда.
