Тожикистон ҳамда Қирғизистондан олиб ўтилган ва Тошкентда сотилиши режалаштирилган гиёҳвандлик моддалари ДХХ томонидан тўхтатиб қолинди.
Маълум бўлишича, 32 ёшли бекободлик фуқаро Тожикистондан олиб ўтилган 10 кг 130 гр. “опий” ва 19 кг 74 гр. “гашиш” моддасини Тошкентда сотишни режалаштирган. Кейинчалик тезкор тадбирлар давомида фуқаро ушланган.
Шунингдек, Андижоннинг Бўстон туманида Қирғизистондан олиб ўтилган, кейинчалик Тошкентда сотилиши режалаштирилган гиёҳванд моддаси савдосига ҳам чек қўйилган. Хусусан, 37 ёшли пахтаободлик эракакнинг машинаси текширилганда 1 кг 446 гр. “гашиш” моддаси топилган. У юқорида қайд этилганидек, ушбу моддани қирғизситонлик фуқародан олган. Яна бир андижонлик фуқаро Қўрғонтепа туманида 978 гр. «гашиш» моддаси билан ушланган.
Хўжаобод туманида ҳам 51 ёшли ва 28 ёшли фуқаролар Қирғизистондан олиб ўтилган 971 гр. “гашиш” гиёҳвандлик моддаси билан қўлга олинган.
ДХХ томонидан олиб борилган тадбирлар давомида жами 10 кг 130 гр. “опий” ва 22 кг 469 гр. “гашиш” гиёҳванд моддалари мусодара қилинган.
Юқоридаги барча ҳолатлар бўйича ЖКнинг тегишли моддалари билан жиноий иш қўзғатилган.
