Самарқандлик эркак "Одноклассники"да ўзини аёл сифатида таништириб бошқа эркакдан пул талаб қилди. Бу ҳақда ҳуқуқ тартибот органлари хабар қилди.
Маълум бўлишича, самарқандлик 44 ёшли эркак "Одноклассники" ижтимоий тармоғида "Шохиста Тохирова" номи остида профиль очиб, 26 ёшли эракак билан танишиб, ундан сруатини олиб, кейинчалик ушбу суратни тарқатиб юбориш билан қўрқитиб, 5 млн сўм талаб қилган. Эркак ушбу пулларни пластик картага ўтказиб бериш кераклигини айтган. Кейинчалик 26 ёшли эркак ушбу ҳолат бўйича ҳуқуқ тартибот органларига мурожаат қилган.
Тезкор тадбир давомида аёл профили остидаги эркак айтилган пулларнинг маълум қисмини олаётганда ходимлар томонидан ушланган. Ҳозирда ҳолат юзасидан товламачилик жинояти билан жиноий иш қўзғатилиб, тергов ҳаракатлари олиб борилмоқда.
