Қорақалпоғистонда банк кассири 41 минг доллардан зиёд пулларни қиморга тикиб юборди. Бу ҳақда yuz.uz хабар қилди.
Маълум бўлишича, “Hamkorbank” акциядорлик тижорат банкининг Тўрткўл минибанкида кассир бўлиб ишлаган Рузумов Бегижон Раджапбаеивич банкнинг Нукус филиали томонидан юборилган пулларнинг 41 минг 395 АҚШ долларини (395 млн. 874 минг. 045 сўм) ўзлаштириб юборган. Кассир ушбу пулларни “1хBet” иловасининг дов ўйинини ўйнаш учун ўзининг пластик картасига ўтказган ва барча пулларни ютқазган.
Ҳозирда кассирга нисбатан ЖКнинг 167-моддаси 3-қисми “а” банди билан жиноий иш қўзғатилган ва дастлабки тергов ҳаракатлари олиб борилмоқда.
