Жиззахда иккита уйни ишқий муносабатлар учун ажратиб берган аёл ички ишлар ходимларига пичоқ билан пўписа қилди. Бу ҳақда Постда нашри хабар қилди.
Маълум бўлишича, 1990 йилда туғилган аёл Зомин туманидаги уйларнинг бирини эркак ва аёлга ишқий муносабатлар учун 150 минг сўмга ажратиб берган. Ҳуқуқ тартибот органлари ходимлари уйни ажратиб берган аёлни воқеа устида аниқлаган. Шунда аёл пичоқ билан уларга пўписа қилган. Ушбу иш самара бермагач эса ўзини ўлдириш билан қўрқитган. Лекин ҳар икки “номери” ишламаган аёл кимёвий ишланган пулларни бериб, таслим бўлган. Шунда аёлнинг яна бир иши очилган. У туманда бошқа бир уйни 100 минг сўмга аёл ҳамда эркак учун ажратгани маълум бўлган.
Энди аёл қонун олдида жавоб берадиган бўлди.
