Фарғонада тиббиёт ходимлари калтакланди. Бу ҳақда вилоят ИИББ хабар қилди.
Маълум бўлишича, шу йил 3 август куни Олтиариқ туманида Тез ёрдам ходимлари чақириққа асосан кетаётган вақтларида манзилга етиб борган вақтида йўл четида икки кишининг тортишиб турганини кўриб қолган. Тез ёрдам ходимлари машинани тўхтатиб фуқароларни ажратаётган вақтда уларнинг бири ҳайдовчи ва ҳамширани дўппослаган.
Ҳозирда ҳолат юзасидан ЖКнинг 277-моддаси 3-қисми «г» банди (безорилик) билан жиноят иши қўзғатилган. Муштумзўр қамоққа олинган. Тергов ҳаракатлари олиб борилмоқда.
