Фарғона вилоятида ҳомиладор аёл туғруқ пайтида вафот этди. Ҳолат шу йил 17 март куни Ёзёвон туманида соат 00:01 ларда содир бўлди.
Ҳолат юзасидан жиноий иш қўзғатилган. Маълум бўлишича, ўша куни навбатчи акушер-гинеколог Р. Камолова бўлган. 33 ёшли ҳомиладор аёл зарур тиббий ёрдам кўрсатилмагани учун оламдан кўз юмган. Аёлнинг фарзанди ҳам вафот этган.
Ушбу иш бўйича суд жараёни бўлиб ўтди. Унга кўра шифокор 2 йил озодликни чеклаш жазосини олган. Шифокор жабрланган томонга моддий ва маънавий зарарни қоплаб бергани суд томонидан қарор қабул қилинишда ҳисобга олинган.
