Тошкент вилоятида Суриядаги жанговар ҳаракатларда иштирок этган «Жиҳодчилар» оқими аъзолари қўлга олинди. Бу ҳақда вилоят ИИБ хабар қилди.
Маълум бўлишича, Янгийўл шаҳар ва туманида ДХХ Тошкент вилояти бошқармаси ва вилоят ИИББ томонидан Янгийўл шаҳри ва туманида ўтказилган тезкор тадбирда «Жиҳодчилар» оқимининг бир нечта аъзоларидан иборат гуруҳ фаолиятига чек қўйилган.
Ушбу гуруҳни ташкил қилган 4 нафар шахслар Суриядаги террористик ташкилот аъзолари сафига бориб қўшилган холда жанговар ҳаракатларда иштирок этган.
Улар ўз навбатида Янгийўл шаҳар ва туманида яшовчи яқин танишларини ҳам шу йўлга даъват қилган ҳолда, Сурия давлатидаги «Тавхид ва Жиҳод» катибаси Халқаро Террористик ташкилоти сафига бориб қўшилишни режалаштиришган.
Ҳозирда ушбу ҳолат юзасидан ЖКнинг тегишли моддалари билан жиноий иш қўзғатилиб, тергов харакатлари олиб борилмоқда.