Шу йил 18 август куни соат 18:00 ларда Чилонзор туманидаги СПА-салонларининг бирида 22 ёшли Нодира И. салон мижози 35 ёшли жиззахлик Баходир.А.нинг чўнтагидан 250 минг сўм ва 1 200 долларни ўғирлади. Бу ҳақда ҳуқуқ тартибот органлари хабар қилди.
Қиз ўғриликни содир этиб, воқеа жойидан яширинган. Жабрланувчи ҳуқуқ тартибот органлари ходимларига мурожаат қилган.
Тез орада қиз ИИВ ходимлари томонидан қўлга олинган. Унга нисбатан ЖКнинг 169 моддаси (ўғирлик) билан жиноий иш қўзғатилган.
