Аҳоли орасида “Муродбой” номи билан машҳур бўлган Мирзамурод Юнусалиев ва унинг шерикларига суд ҳукми ўқилди. Бу ҳақда EVERYDAY.UZ мухбири ОАВда тарқалган маълумотларга асосланиб хабар қилди.
Янгийўл туман судида унинг иши юзасидан суд бўлиб ўтди. Улар ЖКнинг 168-моддаси 3-қисмининг "а", "в" бандлари, 184-моддасининг 3-қисми, 228-моддасининг 3-қисми ва 243-моддалари билан айбли деб топилган. Суд ҳукмига кўра Мирзамурод Юнусалиев – 9 йил, унинг шериклари Ғофуржон Муроджонов – 8 йил, Амиран Қудратов – 8 йил, Эркин Шарипов – 8 йил, Сирожиддин Йўлчиев – 6 йилга қамаладиган бўлди.
Қолган 8 нафар шерикларининг ушбу жиноятдаги фаоллиги ўрганилган ва улар шартли равишда озод этилиб, 3 йил синов муддати берилган. Эслатиб ўтамиз, “Муродбой” ҳам худди “Аҳмадбой” сингари молиявий пирамида ташкил этган. 2017 йил май ойида қидирувга берилиб, 2019 йил 27 апрелда қўлга олинган.
