Самарқандда 2022 йилда Шанхай ҳамкорлик ташкилотига аъзо давлатлар раҳбарларининг навбатдаги саммити бўлиб ўтади. Ушбу учрашувни ташкил этиш учун ажратилган пуллар талон-тарож қилинган.
Бош прокуратуранинг хабар қилишича, Самарқандда ўтказилган текширишлар юзасидан 5 та жиноий иш қўзғатилган. Мисол учун, Самрқанд шаҳрининг Афросиёб кўчасидаги сув билан боғлиқ муаммоларни ҳал этиш ва асфальтлаш учун иккита корхона жалб этилган ва ишлар амалга оширилган. Лекин 2020 йилнинг апрел ойига келиб, йўлларнинг аҳволи ёмон бўлиб қолган. Кейинчалик ўрганишлар давомида иккита корхона тендер ўтказилмаган ҳолда танлангани аниқланган.
Шу билан бирга, сув билан боғлиқ муаммо ҳал этилганда қурилиш меъёрлари бузилган ва 85 млн сўм қўшиб ёзилиб, талон-тарож қилинган. Бундан ташқари, шаҳарда ободонлаштириш, қурилиш ва таъмирлаш ишларини амалга ошириш жараёнида умумий ҳисобда 7,4 млрд. сўм пул талон-торож қилинган маълум бўлган. Ушбу ҳолатлар ўрганилмоқда ва қатъий назорат ўрнатилгани хабар қилинди.
