Наманган вилоятининг Поп туманида аянчли ЙТҲ содир бўлди. Бу ҳақда ҳуқуқ тартибот органлари хабар қилди.
Маълум бўлишича, воқеа бугун, 4 сентябрь куни соат 05:00ларда содир бўлган. Матиз ҳайдовчиси рулда ухлаб қолиши оқибатида қарама-қарши томондан келаётган Нексия автомашинаси билан тўқнашиб кетган. Натижада Матизнинг 22 ёшли ҳайдовчиси ва 23 ёшли йўловчиси воқеа жойида ҳалок бўлган. Шунингдек, Нексиянинг 45 ва 39 ёшли йўловчилари ҳам вафот этган. Нексиянинг 33 ёшли ҳайдовчиси ва 23 ҳамда 22 ёшли йўловчилари шифохонага ётқизилган.
Қўшимча қилинишича, Матиз ҳайдовчиси йил давомида 9 марта, Нексия ҳайдовчиси эса 1 марта қоида бузган. Ҳозирда ҳолат юзасидан жиноий иш қўзғатилиб, тергов ҳаракатлари олиб борилмоқда.
