Андижон вилоятида фирибгарлик билан боғлиқ жиноят содир этилди. Бу ҳақда ҳуқуқ тартибот органлари хабар қилди.
Маълумотларга кўра, 49 ёшли Хитой фуқароси Л.Ж. 2018 йилдан 2019 йилгача андижонлик Ж.А.нинг ишончига кириб олган. Хитойлик эркак Андижонда яшовчи эркакка 1 млн долларга ғишт заводи олиб бераман деб ваъда берган.
Шундан сўнг Ж.А. Л.Ж.га ишни бажариш учун 645 минг доллар берган. Хитойлик эркак эса пулни олиб, айтган ваъдасини бажармаган. Бундан ташқари, у олган пулларини қайтариб ҳам бермаган. Ҳозирда ҳолат юзасидан ЖКнинг 168-моддаси 4-қисми “а” банди билан жиноий иш қўзғатилган.
