Ўзбекистонлик машҳур хонанда вояга етмаган қизни зўрлаганликда гумонланмоқда. Каттақўрғон туман ИИБ ҳузуридаги тергов бўлими эса ҳолат юзасидан жиноий иш қўзғатишдан бош тортган. Бош прокуратура ушбу ҳолатга изоҳ берган.
Бош прокуратуранинг маълум қилишича, “зўрлаш бўйича иш” назоратга олинган ва прокуратура ИИБ тероговчисининг қарорини ўрганиб чиқади.
Шу ўринда, хонанда ушбу ҳолатда қиз билан яқин алоқада бўлганини инкор қилмаган. У барчаси хоҳишга кўра содир бўлганини айтган.
“Мен хатто унинг вояга етмаганини билганим ҳам йўқ. Қизнинг отаси (мени) “шантаж” қилмоқда. У уй талаб қилди. Ушбу фактни ҳам ўрганиш керак”, – дейди хонанда.
Эслатиб ўтамиз, исми ошкор қилинмаган машҳур хонанда Ж. вояга етмаган, академик лицейни тамомлаган қизни зўрлаганликда гумонланмоқда.
Каттақўрғон туман ИИБ ҳузуридаги тергов бўлими Ж.нинг ҳаракатида жиноят аломатлари йўқ дея, жиноий иш қўзғатмаган.
