Тошкент вилоятида Янгийўл тумани кадастр хизмати ходими пора билан қўлга олинди. Бу ҳақда ҳуқуқ тартибот органлари хабар қилди.
Маълум бўлишича, 29 ёшли ходим И.Н. 27 сотих ерни, ҳар бир сотихини 500 доллардан баҳолаб, фуқаро М.А.га сотмоқчи бўлган. М.А. эса ходимнинг ноқонуний хатти-ҳаракатини пайқаб қолиб, ҳуқуқ тартибот органларига мурожаат қилган. Шундан сўнг Тошкент вилоятида ишловчи кадастр ходими келишилган, 13 500 долларни олаётган вақтда ходимлар томонидан қўлга олинган.
Ҳозирда ҳолат юзасидан ЖКнинг 168-модда 3 қисми билан жиноий иш қўзғатилган. Тергов ҳаракатлари олиб борилмоқда.
