Тошкент шаҳри Юнусобод туманида тунги клубдан чиққан йигитлар пичоқлашишди. Бу ҳақда Бош прокуратура хабар қилди.
Маълум бўлишича, ҳодиса кеча, 20 сентябрь куни соат 06:00 да Юнусобод туманидаги тунги клуб олдида содир бўлган. Клубдан чиққан йигитлар кўчада турган бошқа бир шахслар билан жанжаллашган. Оқибатда улар ўртасида пичоқбозлик содир бўлган. Жанжал вақтида С.Х. ёнидаги пичоқ билан 4 нафар фуқарони жароҳатлаган. Уларнинг икки нафари ҳалок бўлган ва яна икки нафарининг ҳаёти эса сақлаб қолинган.
С.Х. воқеа жойидан қочиб кетганига қарамай кейинчалик ушланган. Унга нисбатан ЖКнинг 97-моддаси 2-қисми “а, л” бандлари, 25,97-моддаси 2-қисми “а, л” бандлари билан жиноят иши қўзғатилган.