Тошкент марказида пичоқ ва электрошокерлар билан қуролланган йигитлар жанжаллашди. Ҳодиса видеоси тармоқларда кенг тарқалди.
Видеода бир нечта йигитлар Пойтахт савдо маркази ҳудудида жанжаллашаётганини кўриш мумкин. Видеони тарқатганлар жанжал содир этганлар рэперлар эканини айтишмоқда.
Маълумотларга кўра, ёш рэперлар мусобақадан сўнг мушташган. Ҳозирча жароҳатланганлар ҳақида маълум берилмади. Ҳодиса тафсилотлари ўрганилмоқда.
Таъкидлаш жоиз, сўнгги кунларда пойтахтда ёшлар ўртасида пичоқбозлик ҳолати кўпаймоқда. Аввалроқ Юнусобод туманидаги пичоқбзоликда икки йигит ҳалок бўлгани ва 15 ёшли йигит бошқарувидаги автомобилда совуқ қуроллар топилгани ҳақида хабар берган эдик.
