Андижонда бундан 13 йил аввал турли хил жиноятларни содир этган эркак ушланиб, унга ҳукм ўқилди. Бу ҳақда Андижон вилоят суди судья катта ёрдамчиси Комроншоҳ Расулов хабар қилди.
Маълум бўлишича, 60 ёшли эркак 2007 йилда уч нафар шериги билан тил бириктириб, Балиқчи туманида яшовчи тадбикорнинг уйига бостириб боришган. У ерда босқинчилар тадбиркорнинг оила аъзоларини қийнаб, пул талаб қилган. Уй эгасидан пул сўралганда у рад жавобини берган. Шунда босқинчилар тадбиркорни хотинининг кўз ўнгида отиб ўлдирган. Шундан сўнг улар уйдан 13 млн сўмни олиб, воқеа жойидан яширинган. 60 ёшли эркак эса Қозоғистонга қочиб, ўша ерда яшириниб юрган. У 2019 йилда айланма йўллар орқали Тошкент вилояти Олмалиқ шаҳрига келганда, қўлга олинган.
Расуловнинг маълум қилишча, аввал ҳам уч марта судланган 60 ёшли эркак ЖКнинг бир нечта моддалари билан айбли деб топган ва унга суд томонидан 19 йил 6 ой муддатга озодликдан маҳрум қилиш жазосини тайинлаган.
