Аввалроқ Олмалиқ шаҳри ҳокимининг ўғли Дилшод Исмоилов қурол ишлатган ҳолда урушгани ҳақида ёзган эдик. Ҳодиса видеоси тармоқларда тарқалган эди.
Маълум бўлишича, ҳодиса шу йил 28 май куни Яккасарой туманида содир бўлган. Исмоилов дўстлари билан бирга 56 ёшли Шавкат.М. ва унинг 30 ёшли ўғли Лазиз.М.га жароҳат етказган. Шунингдек, Шавкатнинг қўшниси 1977 йилда туғилган Акмал А. ҳам жабрланган. У жанжални тўхтатмоқчи бўлган. Жабрланганлар енгил ва ўрта тан жароҳатлари олган. Ҳуқуқни муҳофаза қилувчи органлар томонидан ҳодиса бўйича ЖКнинг 277 моддаси билан жиноий иш қўзғатилган бўлган.
Тергов ҳаракатлари пандемия сабаб тўхтатилган. 29 сентябрда эса тергов ҳаракатлари қайта бошланган. Ҳозирда Яккасарой тумани ҳуқуқ тартибот органлари томонидан иш кўриб чиқилмоқда.
