Сирдарёда турмуш ўртоғига ОИТС юқтирган келинга суд ҳукми ўқилди. Бу ҳақда Ховос туман судининг судьяси маълум қилди.
Судья Б.Мамадаминовнинг айтишича, сирдарёлик қиз Х.Ф. ўзи ОИТСга чалинганлигини билсада, 2016 йилда оила қуришга қарор қилган. Келин касаллигини яшириб, турмушга чиққан ва шу орқали турмуш ўртоғига ОИТС юқтирган. Судда келиннинг қилган иши атрофлича ўрганиб чиқилган.
Судда келиннинг ўз айбига тўла иқрор бўлиб, пушаймон бўлгани, аввал судланмагани ва бир неча енгиллаштирувчи ҳолатлар ҳамда жабрланувчининг даъвоси йўқлиги ҳисобга олиниб, келинга 2 йилга озодликни чеклаш жазоси тайинланди. Аёлга сутканинг соат 22:00 дан 06:00 гача бўлган даврида кўчага чиқиш ман этилди.
