Сирдарёда фуқаро газ учун қарздорликни сўндиришга келган шахсни пичоқлаб ўлдирди. Бу ҳақда Сирдарё тумани ИИБ хабар қилди.
Маълум бўлишича, шу йил 9 октябрь куни Сирдарё тумани «Дўстлик» МФЙда яшовчи Ф.К.нинг уйига Қ.Ш. исмли шахс келиб, фуқаронинг газдан қарзи борлигини маълум қилиб, ундан пулларни тўлаб қўйишни сўраганда улар ўртасида келишмовчилик юзага келган ва натижада муштлашув содир бўлган. Шунда Ф.К. ошхона пичоғи билан Қ.Ш.нинг баданига бир неча маротаба урган. Оқибатда газ учун қарздорликни сўндиришга келган шахс воқеа жойида ҳалок бўлган.
Таъкидлаш жоиз, қилган жинояти ҳақида фуқаронинг ўзи ҳуқуқни муҳофаза қилувчи органларига хабар берган. Ҳозирда ҳолат юзасидан туман прокуратураси томонидан тергов ҳаракатлари олиб борилмоқда.
