Сирдарё вилоятида аввал судланган 28 ёшл йигит 8 ёшли қизга тегажоғлик қилди. Бу ҳақда «Не молчи» (Жим бўлма) лойиҳаси хабар қилди. Қизнинг онаси ушбу лойиҳа муаллифларига мурожаат қилган.
Аёлнинг айтишича, 15 июль куни унинг 8 ёшли қизи уйидан унча узоқда бўлмаган дўконга чиқиб кетган. Қизни у ердан нотаниш йигит олиб кетган. Қиз у ердан уни бир йигит олиб кетганини, велосипедида мактаб ҳожатхонасига олиб бориб, тегажоғлик қилганини айтган. Йигит ўзининг ва қизнинг кийимларини ечиб, уни ўпа бошлаган. Қизнинг бахтига ўша ердаги фаррош йигитни пайқаб қолган ва вазиятга ойдинлик киритган. Йигит эса фаррошга қиз унинг синглиси эканини, ҳожатхонага ёлғиз юборишни хоҳламаганини айтган.
Қизнинг онаси ҳуқуқни муҳофаза қилувчи органларга мурожаат қилган. Айбланувчи ўз баданига шикаст етказган ва ўзини носоғлом тутган. Ҳозирда терговчилар шифокорлардан республика даржасидаги хулосани кутмоқда.
“Қизга тегажоғлик қилган одам уларнинг олдидан кулиб ўтиб кетмоқда. Аёл 3 ойдан буён қўрқув ичида яшамоқда”, – дея лойиҳа томонидан эълон қилинган видеода жабрланувчининг онаси ҳақида изоҳ қолдирилган.
[media=https://www.instagram.com/p/CGPH-Y8pJpx/]
