Инстаграмда “Асалҳоней” номи остида танилган Хўжаева Асалга суд ҳукми ўқилди. Бу ҳақда Қалампир нашри хабар қилди.
Маълум бўлишича, А.Х. унга қўнғироқ қилиб, қилаётган ишлари яхши эмаслигини, у ёшларнинг онгини бузаётганини айтган фуқаро билан суҳбатни видеога олиб, тармоқларда тарқатиб юборган. Шундан сўнг тарбия бермоқчи бўлган эркакка турли хил жойлардан қўнғироқлар бўлиб, таҳдид қилинган. Кейинчалик эркак ҳуқуқ тартибот органларига мурожаат қилишга мажбур бўлган.
Ушбу иш Мирзо Улуғбек тумани маъмурий судида кўриб чиқилган. Унга кўра А.Х. МжТКнинг 41-моддаси (ҳақорат қилиш) ҳамда 183-моддаси (майда безорилик) билан айбли деб топилган. Шундай қилиб “Алаҳоней” БҲМнинг 20 баравари (4.460 минг сўм) миқдорида жарима тўлаши ва 5 сутка маъмурий қамоқда ўтириши белгиланди.
