ENTER Engineering компанияси ишчилари ошхонада белгиланган тартибдан норози бўлиб, жанжал кўтаргани ҳақида хабар қилган эдик. Вилоят ҳуқуқ тартибот органларининг хабар қилишича, айбдорлар жазоланади.
Маълум бўлишича, ишчилар 21 октябрда Нишон туманидаги “UZBEKISTAN GTL” заводи ошхонасида белгиланган тартибдан норози бўлиб, жанжал кўтарган. Шундан сўнг улар компания ходимларининг хонасига кириб, жуда кўп миқдордаги техника воситаларига зарар етказган. Ишчилар умумий ҳисобда 480 млн сўмлик мол-мулкни яроқсиз аҳволга келтириб қўйган. Кейинчалик суриштирувлар натижасида ҳамда кузатув камералари ёрдамида безорилик содир этганлар аниқланган.
Ҳодиса юзасидан ЖКнинг 173-моддаси 2-қисми “в” банди ва 277-моддасининг 2-қисми “б,в,е” бандлари билан жиноят иши қўзғатилган. Ҳодисага алоқадорлар сўроқ қилинмоқда.
