Тошкент шаҳрида ҳуқуқ тартибот органларига интернет орқали мижоз топиб, интим хизматлар кўрсатаётган фуқаролар ҳақида мурожаат келиб тушган. Бу ҳақда ҳуқуқни муҳофаза қилувчи органлар хабар қилди.
ИИВ ЖҚББ ходимларига бу ҳақида хабар 28 октябрь куни келиб тушган. Суриштирувлар давомида Шайхонтоҳур туманидаги уйда 25 ёшли ОИВга чалинган Ш.О. фоҳишалик билан шуғулланишга шароит яратиб бергани маълум бўлди. Ушбу уйда 31 ёшли С.У. 1 млн сўмга интим хизматлар тақдим этган.
Бундан ташқари, ўша квартирада 3 нафар “трансвестит”лар – 23 ёшли Б.Д., 28 ёшли З.Н. ва 26 ёшли Г.Ф.лар ҳам борлиги маълум бўлган. Улар мижозларга интим хизматлар тақдим этган. Текширув давомида юқорида қайд этилган фуқароларда ОИВ аниқлангани маълум бўлган. Ёш йигитлар касалликни атайин тарқатиш учун жиноий жавобгарлик борлиги ҳақида огоҳлантирилганига қарамай фоҳишалик билан шуғулланиб келган.
Шунингдек, улар Тошкентнинг бошқа туманларида ҳам квартира олиб, интим хизматлар билан шуғуллангани аниқ бўлди. Ҳозирда ҳолат юзасидан жиноий иш қўзғатилган.
